ମୋ ଅନୁଭୂତିରେ ଜଗନ୍ନାଥ
ଛୋଟବେଳରୁ ଜଗନ୍ନାଥ ମୋର ଭାରି ପ୍ରିୟ। ଅଜା କୁହନ୍ତି ଜଗନ୍ନାଥଙ୍କର ଓ ମୋର ସମ୍ପର୍କ କୁଆଡେ ଜନ୍ମରୁ। କୁହନ୍ତି ମୋତେ ଯେବେ ସେ ରଥ ଛୁଆଁଇବାକୁ ନେଇକି ଯାଇଥିଲେ ରଥଯାତ୍ରା ଦିନ, ମୋତେ ପଣ୍ଡିତେ ଟେକି ନେଇଥିଲେ ରଥ ଉପରକୁ ଏବଂ କୋଳରେ ଧରି ଭୋଗ କରୁଥିଲେ। ହଠାତ୍ ମୁଁ ତାଙ୍କ କୋଳରୁ ଜଗନ୍ନାଥଙ୍କ ପାଦତଳକୁ ଗଡି ଯାଇଥିଲି।ଏହା ଦେଖି ପଣ୍ଡିତେ ଅଜାଙ୍କୁ ଆଞ୍ଚଳିକ ସମ୍ବଲପୁରୀ ଭାଷା ରେ କହିପକେଇଥିଲେ "ସାହୁବାବୁ, କାଲିଆ ତୁମର ନାତି କେ ବଡା ଭଲ୍ ପାଉଛେ ହୋ!" । ଅଜା ମଧ୍ୟ ଖୁସି ହେଇଯାଇଥିଲେ । ଚାରିବର୍ଷ ପୁରିଲା ବେଳକୁ ବାପାଙ୍କ ସାଙ୍ଗରେ ପୁରୀ ବୁଲିବାକୁ ଆସିଥିଲି ପ୍ରଥମଥର। ଶ୍ରୀମନ୍ଦିରରେ କାଳିଆ କୁ ଦର୍ଶନ କରିଥିଲି। କିନ୍ତୁ ଛୋଟ ଥିଲି ନା, ଆଖି ଭରି ଦେଖି ପାରିନଥିଲି। ଟିକେ ବଡ଼ ହେଲାପରେ ବାପାଙ୍କ ସାଙ୍ଗରେ ବିଭିନ୍ନ ଜାଗାକୁ ଯାଏ ରଥଯାତ୍ରା ଦେଖିବାକୁ । ଥରେ ରାଉରକେଲାରେ ରଥଯାତ୍ରା ଦେଖିବାକୁ ଯାଇଥିଲୁ, ସେଇଠି ମୁଁ ଦେଖିଲି ଜଗନ୍ନାଥଙ୍କ ବେଶ୍ ବଡ ବିଗ୍ରହ ପୂଜା ପାଉଥିଲେ। ବାପାଙ୍କୁ ଦେଖାଇ କହିଲି, "ବାପା, ଦେଖ କେତେ ବଡ଼ ଜଗନ୍ନାଥ" । ବାପା କହିଲେ ପୁରୀ ଗଲେ ଆହୁରି ବଡ଼ ଜଗନ୍ନାଥ ଦେଖିବୁ । ସେବେଠାରୁ ମନରେ ବହୁତ୍ ଇଚ୍ଛା , ପୁରୀ ଯାଇ ସେ ଆହୁରି ବଡ ଜଗନ୍ନାଥଙ୍କୁ ଟିକେ ମନଭରି ଦେଖିବି । ଅନେକ ଥର କାଳିଆର ଡୋରି ଲାଗିଛି ଓ ଅନେକ ଥର ଆମେ ସପରିବାର ପୁରୀ ଯାଇ ଦର୍